Manyu Sukta is found in the Rig Veda. Manyu means anger or temper. The hymn reveres the Supreme God Sriman Narayana in His avatar of Narasimha.
Eliminate enemies from your life. These can be both internal and external. Internal enemies can be emotions like anger, jealousy, sadness, arrogance, desires etc and external can be physical forces that cause major hurdles in your path to progress. This also bestows internal strength and courage and provides ultimate Knowledge and Bliss.
It neutralises the negative emotions thereby easing it and prevents a person from committing sins due to anger. It actually converts negative, unpleasant energies to positive, vivacious ones. Those with uncontrollable anger must chant this suktham
ṛgveda saṃhitā; maṇḍalaṃ 10; sūktaṃ 83,84
yaste” manyovi’dhad vajra sāyaka saha oja’ḥ puṣyati viśva’mānuṣak |
sāhyāma dāsamāryaṃ tvayā” yujā saha’skṛtena saha’sā saha’svatā || 1 ||
manyurindro” manyurevāsa’ devo manyur hotā varu’ṇo jātave”dāḥ |
manyuṃ viśa’ īḷate mānu’ṣīryāḥ pāhi no” manyo tapa’sā sajoṣā”ḥ || 2 ||
abhī”hi manyo tavasastavī”yān tapa’sā yujā vi ja’hi śatrū”n |
amitrahā vṛ’trahā da’syuhā ca viśvā vasūnyā bha’rā tvaṃ na’ḥ || 3 ||
tvaṃ hi ma”nyo abhibhū”tyojāḥ svayambhūrbhāmo” abhimātiṣāhaḥ |
viśvaca’r-ṣaṇiḥ sahu’riḥ sahā”vānasmāsvojaḥ pṛta’nāsu dhehi || 4 ||
abhāgaḥ sannapa pare”to asmi tava kratvā” taviṣasya’ pracetaḥ |
taṃ tvā” manyo akraturji’hīḷāhaṃ svātanūrba’ladeyā”ya mehi’ || 5 ||
ayaṃ te” asmyupa mehyarvāṅ pra’tīcīnaḥ sa’hure viśvadhāyaḥ |
manyo” vajrinnabhi māmā va’vṛtsvahanā”va dasyū”n ṛta bo”dhyāpeḥ || 6
abhi prehi’ dakṣiṇato bha’vā medhā” vṛtrāṇi’ jaṅghanāva bhūri’ |
juhomi’ te dharuṇaṃ madhvo agra’mubhā u’pāṃśu pra’thamā pi’bāva || 7
tvayā” manyo saratha’mārujanto harṣa’māṇāso dhṛṣitā ma’rutvaḥ |
tigmeṣa’va āyu’dhā saṃśiśā”nā abhi praya”ntu naro” agnirū”pāḥ || 8 ||
agniri’va manyo tviṣitaḥ sa’hasva senānīrna’ḥ sahure hūta e”dhi |
hatvāya śatrūn vi bha’jasva veda ojo mimā”no vimṛdho” nudasva || 9 ||
saha’sva manyo abhimā”timasme rujan mṛṇan pra’mṛṇan prehi śatrū”n |
ugraṃ te pājo” nanvā ru’rudhre vaśī vaśa”ṃ nayasa ekaja tvam || 10 ||
eko” bahūnāma’si manyavīḷito viśa”ṃviśaṃ yudhaye saṃ śi’śādhi |
akṛ’ttaruk tvayā” yujā vayaṃ dyumantaṃ ghoṣa”ṃ vijayāya’ kṛṇmahe || 11 ||
vijeṣakṛdindra’ ivānavabravo(o)3’smāka”ṃ manyo adhipā bha’veha |
priyaṃ te nāma’ sahure gṛṇīmasi vidmātamutsaṃ yata’ ābabhūtha’ || 12
ābhū”tyā sahajā va’jra sāyaka saho” bibharṣyabhibhūta utta’ram |
kratvā” no manyo sahamedye”dhi mahādhanasya’ puruhūta saṃsṛji’ || 13
saṃsṛ’ṣṭaṃ dhana’mubhaya”ṃ samākṛ’tamasmabhya”ṃ dattāṃ varu’ṇaśca manyuḥ |
bhiyaṃ dadhā”nā hṛda’yeṣu śatra’vaḥ parā”jitāso apa nila’yantām || 14 ||
dhanva’nāgādhanva’ nājiñja’yema dhanva’nā tīvrāḥ samado” jayema |
dhanuḥ śatro”rapakāmaṃ kṛ’ṇoti dhanva’ nāsarvā”ḥ pradiśo” jayema ||
bhadraṃ no api’ vātaya mana’ḥ ||
oṃ śāntā’ pṛthivī śi’vamantarikṣaṃ dyaurno” devyabha’yanno astu |
śivā diśa’ḥ pradiśa’ uddiśo” naāpo” viśvataḥ pari’pāntu sarvataḥ śāntiḥ
śāntiḥ śānti’ḥ ||
